TIGNAN NYO| Security Guard, Bawang at Sibuyas Lamang ang Ulam para sa Kanyang Tanghalian

Viral ngayon sa Social Media ang larawan ng isang Security Guard matapos mag-ulam ng bawang at sibuyas para sa kanyang tanghalian.

Sa ngayon ay umabot na ng 17k na iba't-ibang reaksyon at 15k shares ang larawan na ibinahagi ng Bakud Borbon Facebook Page.

Sa hirap ng buhay ngayon, lalo na sa panahon ng pandemya, kailangan ng ilan sa ating mga kababayan na magtiis sa hirap para lamang mabigyan ng maayos na buhay at makaraos sa pang araw-araw ang kanilang pamilya.

Gaya na lamang ng Security Guard na ito, dahil sa kanyang pagmamahal sa pamilya ay pinapadala niya ang 90 porsyento ng kanyang sahod sa kanyang pamilya at ang natitira lamang sa kanya ay 10 porsyento na kailangan niyang pagkasyahin hanggang sa susunod na sahod muli.

Marami naman sa mga netizen ang naantig at naawa sa kalagayan ng Security Guard. May ilan din ang humanga sa kanyang pagpupursige sa buhay at pagtitiis para sa kanyang pamilya.

Lahat ng tao ay may pinagdadaanan ngunit kailangan lamang natin harapin ito at kayanin lalo na sa panahon ngayon. Kailangan lamang ay marunong tayong lumapit sa itaas dahil papakinggan din Niya ang ating dinadasal.