Isang Dambuhalang Asteroid na kasinlaki ng "Great Pyramyd", pinangangambahang tumama sa Earth ayon sa NASA

 

Nagbabala ang National Aeronautics and Space o mas kilala sa tawag na NASA, sa kanilang pag-aaral na isa di umanong malaking asteroid ang pwedeng tumama sa mundo sa ika-6, sa buwan ng Mayo, taong 2022. 

Sinasabi na ang laki ng higateng bulalakaw na ito ay maihahalintulad sa laki ng Great Pyramid of Giza. 

Ang Pyramid of Giza ay may taas na 146.7 metres o 481 ft., at ito ay may haba na 230.34 metres (756 ft) o 440 Egyptian Royal cubits kaya talagang masasabi na napakalaki ng asteroid na ito at siguradong magdudulot ito ng malaking pinsala sa eksaktong lugar na tatamaan nito. Bagamat meron lamang 0.026% o tinatayang 3,800 ang posibilidad na tumama ito sa mundo, ito ay maaring mag dulot pa din ng malaking pinsala para sa karamihan lalo’t walang makakapagsabi kung kelan at kung saan eksaktong lugar tatama ang asteroid.

Isa din sa pinangangambahan ng NASA kapag tumama ito sa mundo ay ang lakas ng pagsabog nito kung saan ito ay may tinatayang 230 kilotons ng trinitrotoluene o TNT. Maihahalintulad ang sabog nito sa 15 beses na lakas ng isang atomic bomb na puminsala sa lungsod ng Japan sa Hiroshima noong taong 1945. Dagdag pa dito, kahit di-umano tumama sa lugar ng maraming tao o kaya naman ay sa liblib na lugar o kaya ay sa Pacific Ocean, ito pa din ay makakapag dulot ng mapaminsalang tsunami at nuclear winter. 

“Even if the asteroid was to avoid civilization and hit ‘the remotest part of the Pacific Ocean,’ the impact would still be powerful enough to cause devastating tsunamis and ‘nuclear winter.’” Ayon sa ulat ng NASA. 

Ang pangalan ng nasabing asteroid ay JF1 at ito ay natuklasan noong taong 2009. Patuloy itong binabantayan ng NASA Jet Propulsion Laboratory sa pamamagitan ng kanilang Sentry. Kung saan ito ay “highly automated collision monitoring system that continually scans the most current asteroid catalog for possibilities of future impact with Earth over the next 100 years.”